تابع أحدث الأخبار عبر تطبيق

حرص المطرب وليد توفيق، على دعم الفنانة شيرين عبدالوهاب بعد أزمتها الأخيرة، مع شركة روتانا وحذف أغانيها.

وقال من خلال فيديو عبر حسابه الرسمي بموقع "إنستجرام": "شيرين عبدالوهاب صوت حلو كتير إحساس كبير حبيناكي كلنا و أول مرة سمعتك بـ (آه ياليل) كان اسمك شيرين أحمد وكنت بشوفك بالاستديو عند محروس وقعدنا أنا وأنتي أذهلت بإحساسك وطريقة غنائك لأن الفنان مش بس صوت حلو لازم يكون عنده شخصية وكاريزما وحب الناس من رب العالمين وكل هذا موجود فيكي بصوتك واحساسك".

وتابع توفيق: "اليوم وأنا بشوف على السوشيال ميديا شيرين عندها مشاكل، هذا الصوت ما يستاهل يكون عنده مشاكل أنا راهنت على صوتك في مقابلة و قولت في صوت مميز اسمه شيرين أحمد اللي اسمها اليوم شيرين عبدالوهاب هتكون من أهم فنانات الوطن العربي وقد كان".

واختتم قائلًا: "الدنيا كلها بتحب شيرين اغانيكي مالية الدنيا وبتمنى من كل قلبي ترمي المشاكل ورا ضهرك وانتبهي لصوتك وفنك وجمهورك اللي حبك وترجعيلنا بطلة جديدة بالسعادة والضحكة الحلوة".

https://www.instagram.com/reel/C_GFsX4IMaH/?igsh=NWhydXN1cWEzbGY0

عمرو أديب يدعم شيرين عبدالوهاب: علاجها هو الغنا وعملت أغاني جابت ملايين

دعم الإعلامي عمرو أديب، المطربة شيرين عبدالوهاب، من خلال برنامجه التليفزيوني "الحكاية"، وقال: "إحنا مصدقنا شيرين تغني وتنزل أغاني، مينفعش تنزل أغاني ويتم وقفها ومطاردتها، هاتوا لجنة تحكيم والموضوع يخلص".

وأضاف: "شيرين أسبوعين رقم واحد على التايم لاين مش بس في الهاشتاج وفي النقاشات والخناقات ودخل فيها الفانزات وناس بتوع فنانات واصطياد في الماء العكر".

وتابع أديب: "الغنا بالنسبة لشيرين علاج ومخرج، وبالنسبة لجمهورها متعة، لمجرد أنها عملت أغاني جابت ملايين.. لكن على الجانب الآخر كل شيء بالحق والميزان اللي له حق ياخده، مش معنى إننا بنحب شيرين وعايزين نسمعها روتانا متاخدش حقها".